Sofitel Phnom Penh Phokeethra

សូមស្វាគមន៍មកកាន់ព្រះរាជាណាចក្រកម្ពុជា

ទទួលយកនូវបទពិសោធន៍នៃការរចនាបែបអាណានិគមបារាំងដ៏ប្រណីត និងស្ងប់ស្ងាត់។ អ្នកតំណាងសូហ្វីតែល ស្វាគមន៍ភ្ញៀវគ្រប់ជំហាននៃបទពិសោធន៍របស់លោកអ្នកនៅក្នុងសណ្ឋាគារលំដាប់ផ្កាយប្រាំដ៏ប្រណីតរបស់យើង ដែលមានទីតាំងស្ថិតនៅជិតផ្សារទំនើបខ្នាតធំ ការិយាល័យរដ្ឋាភិបាល ស្ថានទូត កន្លែងទេសចរណ៍សំខាន់ ព្រមទាំងទេសភាពមាត់ទន្លេដ៏គួរឲ្យទាក់ទាញ។ រីករាយជាមួយនឹងភោជនីយដ្ឋានស្តង់ដារទាំងបួនរបស់យើង ដើម្បីទទួលបាននូវបទពិសោធន៍អាហារដ៏មានឱជារសឥតដែនកំណត់។

ការស្នាក់នៅដ៏អស្ចារ្យក្នុងទីក្រុងភ្នំពេញ

សូហ្វីតែល ភ្នំពេញភូគីត្រា មានមោទនភាពសូមប្រកាសថា យើងបានក្លាយជាសណ្ឋាគារដំបូងគេក្នុងរាជធានីភ្នំពេញ និងជាសណ្ឋាគាររបស់ ACCOR ដំបូងគេក្នុងប្រទេសកម្ពុជា ដែលសម្រេចបាននូវវិញ្ញាបនប័ត្រ Green Globe ដោយទទួលស្គាល់ពីការខិតខំប្រឹងប្រែងអនុវត្តថែរក្សាបរិស្ថាន និងនិរន្តរភាពទៅក្នុងគ្រប់ផ្នែកនៃ ប្រតិបត្តិការសណ្ឋាគាររបស់យើង។
ដោយសារទេសចរណ៍បន្តរីកចម្រើន និងពង្រីកវិសាលភាព សណ្ឋាគារសូហ្វីតែលភ្នំពេញភូគីត្រាយើងមានមោទនភាពក្នុងការនាំមុខក្នុងការអភិវឌ្ឍគំរូអាជីវកម្មឱ្យបានគ្រប់គ្រាន់ដោយខ្លួនឯង ដែលកាត់បន្ថយផលប៉ះពាល់ដែលយើងមានលើបរិស្ថានធម្មជាតិជុំវិញរបស់យើង និងសហគមន៍មូលដ្ឋាន។